صعب الكلام

صعب الكلام أوى
و خصوصآ لما الواحد يكون بعيد كل المدة دى على مدونتة
بسفى كلام كتير قوى عايز اقولة
و للأسف مش عارف بس ححاول اكتب تانى و ارجع معاكم من تانى فى حكايات
كتير قوى و زكريات مع أغلى الأصدقاء جميلة قوى
ححكلكم عنها قريب
راجع تانى بأزن الله
سلام مؤقت

التأخير

الحقيقة أنا آسف للجميع على التأخير فى الرد على التعليقات و آسف لتقصيرى تجاه مدونتى و التقصير مع الجميع
بس بجد انتم وحشتونى جدآ و مفتقتكم جدآ جدآ
انا بخير بس كنت فى مشاكل كتير قوى علشان كدة غبت عنكم
و كمان الحالة النفسية و المزاجية ليسة على ما يرام
فأرجوا من الجميع قبول اعتزارى على التقصير
و اشكر كل من قام بالسؤال عنى شكر خاص جدآ

مش عارف

معلش يا جماعة المود الحزين كان زيادة شوية فى البوست اللى فات
بس مش عارف لية حاسس ببعض من التفاؤل و الأمل يارب
بس بجد الحب وحش بهدلة بس مش بأيد حد ممكن الواحد
يكتشف انة بيحب حد و مش حطة فى الحسبان أو حد بيحبة و هو مش واخد بالة منة
صحيح مراية الحب عامية بتبين للحبيب الحجات الحلوة و بتخفى عنة حجات تانيةو ممكن تكون اجمل و احلى
بس لية الواحد لما بيتصدم مرة بيحط نفسة فى قوقعة بدون أمل فى بكرة
أكن عمرة ما حيحب تانى أو يعرف حد تانى دة يعنى نوع من الأخلاص ولا الحب الزائد ولا اية بالظبط
مش معنى الفشل فى الحب يعنى الحياة تقف أو الحب خلص و مش ححب تانى و مفيش حد تانى ممكن احبة بعد فلان أو فلانة
لية دة بيحصل احنا كدة بنعزب نفسينة لية مانسبش الحياة مشية واللى كاتبة ربنا حنشوفة لية بنصمم نعاند الدنيا
بصوا انا مش حضحك عليكم انا عملت كدة بس اكتشفت انة غلط كبير
علشان بنظلم نفسينا و النيا معانة كمان العمر بيعدى و يجرى بينا و احنا مش عيشينة علشان اية
مش عارف
لية بنضيع منا احمل سنين حيتنا فى معتقد انة اخلاص فى الحب
انتم عارفين ان البنت اللى بكلمكم عانة عيشة فى نفس الحالة دى هى كانت مرتبطة بواحد صحبنة
بسانفصلوا و انا ما فتحتهاش فى الموضوع غير بعد سنة من انفصلهم و يمكن اكتر
بس هية مصممة انها تعيش فى الزكريات و بس لية
مش عارف
حولت اتكلم معاهة من جانب الصداقة الخاصة جدآ اللى ما بنا حسيت انها بتحاول ترر شئى مش مفهوم
و بيصب كلة على كلمة (كان) اصلة كان و مينفعش لية
مش عارف
انتم عرفين نفسى البنت دى تفوق و تصحة من الوهم اللى اسمة الزكريات بجد حتبقة جميلة أوى
حتى لو مكناش لبعض بس ترجع لطبيعتهة أنا عارف ان الغربة ممكن تأسى القلب و تبعد ناس عن ناس
بس ما بتموتش الأحساس و كمان المفروض ان الصدمة تقوى مش تضعف
انا عندى امل انها لما تستقر فى مصر ممكن تتغير و تتعامل زى زمان
ولا اية رايكم لو عارفين قلولى
اصلى مش عارف
قلب الحياة مليان
حاجات و بتفرح

احزان

القلق و الحزن مش مخلينى اعرف اكتب حاجة

نفسى اكتب بس مش قادر الكلام يطلع منى

معلش اعزرونى المرادى

ييمكن الصور لأماكن بحبها و الأغنية اللى بهديها للناس كلها

و بالأخص لأغلى الناس على قلبى

تعبر بعض الشيئ على اللى جواية

كام عام و مواسم عوا

و شجر اليمون دبلان على ارضوا

كام عام و مواسم عدوا

و شجر اليمون دبلان على ارضوا

و فاااانك

بانى وبانك احزان و يعدوا

بانى و بانك ايام و ينضدوا

بانى و بانك احزان و يعدوا

بانى و بانك ايام و ينضدوا

شجر اليمون دبلان على ارضوا

شجر اليمون دبلان على ارضوا

فاااانك انا من غيرك انا مش عاقل ولا مجنون

فاااانك انا من غيرك انا مش عاقل ولا مجنون
انا مطحووون و الدنيا دى رحااية

و قلبى حب الحب و حباب عيون

شجر اليمون دبلان على ارضوا

شجر اليمون دبلان على ارضوا

و كل شيئ بينسرق منى العمر و الأيام

و الضى من الننى

و كل شيئ حولية يندهلى جواجة بندهلك

يا ترى بتسمعناااااااااى

و فاااااااااانك

بانى و بانك احزان و يعدوا

بانى و بانك ايام و ينضدوا

شجر اليمون دبلان على ارضوا

شجر اليمون دبلان على ارضوا

عيد الحب

اين الحب فى عيد الحب.............
أن اليوم هو عيد الحب .
هذا العيد الذى يسعد بة جميع الناس و بالأخص من يحب و يعشق و هناك بعض التساؤلات التى تفرض نفسها مثل :

هل جميع الناس تحب أم يوجد بعض منهم لا يستطيعون فهم معنى الحب؟
وهل الأحساس بمعنى هذة الكلمة – الحب – قد انعدم فى هذا اليوم أم مازال موجودآ ؟

و التساؤل الأهم
هل مازال يوجد حب و خير فى الدنيا و مازال الناس يحتفلون بة و ما هى الطقوس المتبعة فى هذة المناسبة؟
أن الحب ليسة كلمة من حرفين تنطق فى أى وقت مابين الناس .

أن الحب أحساس و مشاعر يجب أحترامها مهما كانت الظروف التى تواجة هذا الحب .

أن الحب عطاء و ليس انانية و الأنسان لا يستطيع العيش بدون الحب .
أن أسما معانى الحب هو الحب بدون انتظار مقابل من الحبيب أى العطاء بدون مقابل أى الحب للحب .
نعم فأنا احب مثل كل البشر ولاكن أين هى وما هو السبيل اليها و متى يظهر هذا الحب أمام الجميع .
أسمع كثيرآ عن الحب من أول نظرة

فهل هذا صحيح ؟

فى رأى أنة يوجد أعجاب من أول نظرة و ليس حب نبدأ دائمآ بالأعجاب ثم الألتقاء فى الأفكار ثم الصداقة و هنا دائمآ نقف و نصل الى مفطرق الطرق

فماذا نختار الصداقة أم الحب؟

أن الصداقة هى أيضآ أسما شيئ فى الدنيا فلا يستطيع الأنسان العيش فى الدنيا ايضآ بدون الصداقة

و هنا يوجد تساؤل يفرض نفسة ايضآ و هو

هل الصداقة يمكنها أن تتحول الى حب أم يجب أن تبقى صداقة فقط ؟

فى ناس كتير بتقول مفيش حاجة أسمها صداقة بين ولد و بنت

بس أنا بقول لأ فى صداقة بمعنى الكلمة مش لازم يكون الولد عايز حاجة من البنت أو عايز يضحك عليها

ممكن تكون صداقة بريئة بس يعنى صداقة بدون مصلحة

و أنا عن نفسى عندى أصدقاء بنات و للصداقة فقط و الله وليس لمقابل شيئ أنا بعتبرهم أخواتى و اكتر و بخاف عليهم جدآ

بس أنا اتحولت الصداقة معاية الى حب كبير و رغم ذلك لا استطيع فعل أى شيئ لنفسى و لأنها بالنسة لى من أعز الأصدقاء و أغلاها ولا أستطيع التخلى عنها سواء كانت صديقة أم حبيبة و هذه هى الحيرة الكبرى و الأختيار الأصعب فى الحياة

فأنا أعمل و أفعل كل شيئ لها فهى السبيل و المراد لى فى الدنيا فى انسانة رائعة

فكيف الأستغناء عنها

و ماذا ابقى الصداقة أم الحب

الذى ليس بعدة حب .

حب من يحبك ولا تحب من تحبة

التعارف الأول

الغربة فى الحب..................
السلام عليكم.......
دة أول بوست لية و أول مرة أكتب فيها عن نفسى و على اللى جواية بس دى فكرة جميلة و عندى الرغبة انى اجربها عمرى ما فكرت اكتب حاجة قبل كدة كل مشكلة كنت ديمآ بتعامل معاها ببساطة علشان قلاقى لها حل و طبعآ سعات بلاقى الحل و ساعات لأ و دى أول مرة ممكن قلاقى حد يقلى رأية فى جميع الحالات فيارب مكنش ضيف تقيل علاكم و أكون اسعد بالتعرف على الجميع .
أنا واحد من الناس و بحب الناس من مختلف الطبقات و الحمد الله بعرف أتعامل مع الجميع أنا خلصت جامعة و الجيش بس أنا غيركم فى حاجة أنا فى مصر و بالأخص فى اسكندرية أجمل بلاد الدنيا عروس البحر المتوسط أنا بعشق اسكندرية بكل ما فيها و بخص بعض الأماكن بالزات ليها عندى زكريات جميلة عمرها ما تتنسى زى القلعة و المنتزة و حديقة الحيوان و انتونيادس و شط اسكندرية كلة .
بحب فيروز لما تغنى لسكندرية و محمد منير الفنان المفضل لدى و دة بردة معاية زكريات كتير أوى لما بسمع منير بحس منير لما بيغنى انى قاعد فى وسط ناس كتير و كلهم طيبين قوى بدون استسناء بحس انة بيغنى لناس كتير اشكال و ألوان من أسوان لحد السلوم من الفراعنة لحد النهردة صعب ألاقى مغنى على مر العصور بالشكل دة أنا بحبة جدآ . بحب أفلام كتير بس فى فيلم واحد هو اللى يخصنى قوى و هو سهر الليالى بيفكرنى بناس غلين علية أوى و ما زالوا و سيستمروا هما اللى طلعت بيهم من كل الناس و التجارب اللى عشتها و الناس اللى عرفتها و حبقى أحكلكم عنهم بالتفصيل .
أول شئ عايز آخد رايكم فيه هو الغربة بس مش فى السفر فى الحب
هل ممكن يبقى فى غربة فى الحب ؟
يا ريت حد يجاوب على سؤالى ..........
و للكلام بقية