الغربة فى الحب..................
السلام عليكم.......
دة أول بوست لية و أول مرة أكتب فيها عن نفسى و على اللى جواية بس دى فكرة جميلة و عندى الرغبة انى اجربها عمرى ما فكرت اكتب حاجة قبل كدة كل مشكلة كنت ديمآ بتعامل معاها ببساطة علشان قلاقى لها حل و طبعآ سعات بلاقى الحل و ساعات لأ و دى أول مرة ممكن قلاقى حد يقلى رأية فى جميع الحالات فيارب مكنش ضيف تقيل علاكم و أكون اسعد بالتعرف على الجميع .
أنا واحد من الناس و بحب الناس من مختلف الطبقات و الحمد الله بعرف أتعامل مع الجميع أنا خلصت جامعة و الجيش بس أنا غيركم فى حاجة أنا فى مصر و بالأخص فى اسكندرية أجمل بلاد الدنيا عروس البحر المتوسط أنا بعشق اسكندرية بكل ما فيها و بخص بعض الأماكن بالزات ليها عندى زكريات جميلة عمرها ما تتنسى زى القلعة و المنتزة و حديقة الحيوان و انتونيادس و شط اسكندرية كلة .
بحب فيروز لما تغنى لسكندرية و محمد منير الفنان المفضل لدى و دة بردة معاية زكريات كتير أوى لما بسمع منير بحس منير لما بيغنى انى قاعد فى وسط ناس كتير و كلهم طيبين قوى بدون استسناء بحس انة بيغنى لناس كتير اشكال و ألوان من أسوان لحد السلوم من الفراعنة لحد النهردة صعب ألاقى مغنى على مر العصور بالشكل دة أنا بحبة جدآ . بحب أفلام كتير بس فى فيلم واحد هو اللى يخصنى قوى و هو سهر الليالى بيفكرنى بناس غلين علية أوى و ما زالوا و سيستمروا هما اللى طلعت بيهم من كل الناس و التجارب اللى عشتها و الناس اللى عرفتها و حبقى أحكلكم عنهم بالتفصيل .
أول شئ عايز آخد رايكم فيه هو الغربة بس مش فى السفر فى الحب
هل ممكن يبقى فى غربة فى الحب ؟
يا ريت حد يجاوب على سؤالى ..........
و للكلام بقية
9 comments:
حموده
اولا اهلا بيك في عالم التدوين
البلوجز نورت
:) :)
تاني حاجه امكيد يا حموده في غربة في الحب و بتكون صعبة قوي
لما تكون بتدي بكيانك و مشاعرك و كل حاجه فيك و الطرف التانييحسسك انك غريب عنه
او انك اصلا غريب عن مشاعر الحب و انك مش قادر تنتمي للحب بجد
, ليا رجوع مرة تانيه عشان اتأخرت على الشغل
قلت اباركلك بس و لنا عوده
نورت التدوين كله
:) :)
سلام
روزا
قبل كل شيئ أحب أشكرك على الكومنت الجميل دة و على الترحيب الجميل بجد كشرآ
أنا أبقى الجزء الأول من الكومنت بتاعك يعنى ممكن أكون بحب و هية مش شيفانى للأسف مش حسة بالحياة عيشة للماضى و الزكريات بس و معندهاش رغبة تغير و ربنا يستر يا روزا
و مرسى مرة تانية على تشريفك المدونة بتاعتى و يارب تكون دمها خفيف علاكم
السلام عليكم
ايه يا عم داخل حامي كده علينا بسؤال قوي جدا
الف مبروك على المدونه ويارب تكون فتحت خير عليك
وربنا ينورلك طريقك ويباركلك
اكييييييييييد طبعا في غربه في الحب
لما تحب للحب
لما تحب لأنه عاجبك فيه حاجات ومتناسي كل عيوبه وكل اللي بيبعدك عنه
لما تحب علشان لازم تحبه لأنه انسان مينفعش ميتحبش
وفي نفس الوقت هو مش مناسب ليك
لما تحب وانت مركز انك تغير فيه حاجات
تمنعك انك تشوفه من جهه تانيه
لما تكون وياه وهو ويا غيرك
لما تهتم بيه وهو يهتم بغيرك
اعتقد انه كده الغربه في الحب
والله اعلم
----------------------
بس الأكيد ان لينا كلام تاني
خصوصا ان صوره ستانلي ده
هتجنني؟؟؟؟
ليه؟؟
لأني اكيد اعرفك
لأني انا من صور الصوره دي
فاكيد اعرفك بشكل او آخر
ومبروووك تاني على المدونه
مبروك عليك مدونتك
ومبروك علينا صديق جديد
بس انت كده داخل تتعب قلبنا من أولها كده
انت تطرقت لأكتر من حاجة في البوست
اسكندرية
آه على اسكندرية
لو حاتكل يبقى أحسنلي أنل بوست عشان يكفي.. ده لو كفى
بس أحلى ما فيها انها على قد قلب اللي بيحبها
و على قد حزنه و فرحه.. دايما تحسسه انها بتعته لوحده
أما التدوين
فهو عالم صدقني رائع
عارف لما قلبك يتنهد
فيقوم حد جاي يقولك .. أنا ماعرفكش
لكن عارف تنهيدتك ده كويس قوي
فيلمسها و يبردها و يسيب ابتسامة راحة على وشك
أعتقد ان هو ده التدوين
ده غير انه مدرسة
أ،ا اتعلمت فيها ازاي أفكر و أقبل آراء الناس و أتعامل بروحي قبل عقلي و فهمت فيه ان دماغي صغيرة قوي مهما عشت و مهما زاد سني
أما منير وفيروز
فأنا أرى روح الغنى فكلامهم مش بس طرب أو أحاسيس
فين روح الشيء دايما.. الله أعلم
طيب هم بيوصلولها إزاي
برضه الله أعلم
أما الغربة
فهي ببساطة ان شيء ما يعيش قوي فقلبك رغم انه بعيد كل البعد عن واقعك
آه ممكن تحب
و يكون حبيبك ملكك.. جانبك.. معاك
لكن اللي فقلبك ليه مش متحقق فعلا فيه
حاتتغرب عنه
وكل حاجة غير الحب
لو حصل ان اتللي فقلبك ليه مش متحقق فيه
حايغربك عنه
وانت تختار
يا تبقى عليه و على الغربة كمان معاه
يا تبعد و تكسب نفسك
*******
شفت بقى.. انت اللي فتحت عليك الفاتوحة ده
كان حد قالك تفتح في كل ده من أول بوست كده
:))))
مبروك عليك اللتدوين
نورتنا
ماتشكرنيش على اي حاجه
:)
نصيحتي ليك يا حموده بجد انك تصارحها بحبك دا
يمكن تكون بتبادلك بس ماتعرفش مشاعرك , انت الطرف الاقوى الي في الموضوع يا حموده و الي ممكن يصرح
و لو عرضت عليها مشاعرك وطلعت مش بتبادلك يبقى تحفظ حبك و طاقتك في الحب لحد تاني يكون حاسس بيك و يستحق مشاعرك
و رنا يوفقك يا رب
-------
و مستنين بقى بوستاتك :)
هاى زمرده
الف شكر على تعليقق و آسف للتأخير فى الرد انتى عندك حق هية فعلن انسانة مينفعش ما تتحبش و هى فعلآ كانت مرطبطة بس دى غلطتى انا اللى سبتها بس فى ظروف هى اللى خلتنى اعمل كدة الغربة فى الحب زى السفر نفس الوحدة فى السفر بتحب بلدك و اهلك ومش قادر تشفهم و تحس بيهم و الحب زية بنحب لوحدك معكش اللى بتحبة و مش حاسس بية تعددت الأسباب و الغربة واحدآ
ما تتجننيش على الصورة انا كمان من اسكندرية و اشكرك على تشريفك لمدونتى
هنودة
مرحبآبكى فى مدونتى المتواضعة
اسكندرية دى بلدى و أجمل شط فى الدنيا شط الهوا على رقى فيروز أما سؤالك عن روح و جوهر الأشياء فلازم عللا الأنسان أن يشعر بالشيئ و يحسة علشان يعرف روحة و يتعمق فية سو كان هذا الشيئ كائن حى أو جماد زى المثل اللى بيقلك تعرف فلان قلت اعرفة طب عشرتةلأ تبقى ما تعرفهوش لازم الأحساس بالشيئ علشان أعرفة و افهمة كويس
انتى تعتقدى ان الغربة فى الحب هى احاسيس مش عيشة فى القلب و تبعد عن الواقع ممكن بس معتقتش ذلك ممن يكون الغربة فى الحب هو تجاهل الحبيب للى بيحبة رغم انة عارف انة بيحبة و بيخاف علية و يمكن يكون بيخاف علية اكتر من نفسة زى ما بيقولة بردة البعيد عن العين بعيد عن القلب ممكن اكون بشوف حببتى كل يوم و هية مش شيفانى جمبها رغم ان ممكن يكون عرفين عن بعض كل شيئ و متفاهمين تمامآ رغم كدة هى مش حسة بية أو حاسة و بتتجاهل الحب متيألى كدة يبقى غربة الحب أصعب من غربة السفر ولا اية
و مرسى مرة تانية على تشريفك و التعليق فى مدونتى المتواضعة
روزا
للأسف يا روزا اننا اصدقاء جدآ و ماينفعش أى شيئ يشوه هذة الصداقى التى دامت سنين حتى ولو كان الحب و هذا أعتراف بالضعف منى تجاها ولاكن لا حيلة لى فى ذلك انتى تعلمين ان الصداقة ممكن ان تتحول الى حب ولاكن الحب لأ يتحول اللى صداقة
فما هو العمل حين ذاك؟
ماشي يا سيدي
تآخد الصوره بتاعتي
ياسيدي ما انت اسكندراني
انزل صور صوره وحطها
وانت هتعرف اد ايه لما حد ياخدها منك هتتجنن
وساعتها هتعذرني
لأني بغير على كل شيء بعمله بنفسي
اقولك زي ما قالت روزا
صارحها بحبك
بس خليك متاكد انك متقدرش تفرض مشاعرك عليها
وخصوصا انها كانت مرتبطه
وكمان دور جواك شوف اللي شدها لغيرك
ومشدهاش ليك
اقولك حاجه
واحد بخيل راح يتجوز واحده بخيله....في مشكله؟؟؟
لأ ....ليه لأن عيبها ميزه له
وعيبه ميزه لها
ويمكن الميزه اللي فيها تكون عيب ليه
فهمتني هي الدنيا كده
عرض وطلب
Post a Comment